تعلم ذكي لمستقبل أفضل
رفيق مذاكرة بيعرف إنت واقف فين بالظبط
زكي بيذاكر معاك بالعربي، بيلاقي الفجوة الحقيقية ورا كل غلطة، وبيقول لأهلك مستواك الحقيقي كل أسبوع.
لو انت طالب
- الساعة 11 بالليل، واقف في مسألة ومحدش تسأله
- اسأل بالعربي، هتاخد تلميح مش الحل جاهز
- بيفتكر كل حاجة اتكلمتوا فيها قبل كده
- بيقولك غلطت ليه، مش بس ان الاجابة غلط
لو حضرتك ولي أمر
- المستر بيشرح الحصة. وزكي مع ابنك في الليالي اللي بين الحصة والتانية — وكل يوم أحد بيبعتلك حصل فيها إيه.
- تقرير كل يوم حد، بأرقام حقيقية مش كلام عام
- هتعرف قبل الامتحان، مش بعده
بيشتغل ازاي
اختبار قصير
عشر دقائق بس، عشان زكي يعرف انت واقف فين دلوقتي.
زكي يلاقي الفجوة
مش المسألة اللي غلطت فيها، الحاجة اللي وراها واللي خلتك تغلط.
خطة تناسب وقتك
مذاكرة مرتبة على أسبوعك انت، مش جدول جاهز لكل الناس.
مش بيقولك غلط وخلاص
ده الفرق الحقيقي. مثال من مادة الفيزياء:
السؤال: جسم كتلته 5 كيلو على سطح مائل بزاوية 30 درجة. احسب العجلة.
اجابة الطالب: غلط.
الرد العادي
اجابة خاطئة. راجع الفصل الرابع.
رد زكي
المشكلة مش في الديناميكا. انت مش بتحلل القوة لمركبتين صح، وده الفصل التاني. راجع تحليل المتجهات عشرين دقيقة، وبعدين ارجع للسؤال ده تاني.
الفرق مش في اننا نقولك غلط. الفرق في اننا نعرف السبب.
الأمان مش خيار اضافي
- كل رسالة بتتفحص قبل ما توصل لابنك
- العربي مراجع من مدرسين حقيقيين
- مفيش اعلانات، نهائي
- بياناتك بتفضل بتاعتك، وتقدر تمسحها في أي وقت
- زكي بيقول دايما انه ذكاء اصطناعي، مش انسان
بناخد 20 طالب بس في الدفعة الأولى
دي أول تجربة لزكي. عايزين عدد صغير عشان نقدر نتابع كل طالب بنفسنا.